ماذا قال معز مسعود عن أزمة حلا شيحة وتامر حسني
في أول تعليق له على أزمة حلا شيحة وتامر حسني، قال الداعية المصري معز مسعود، إن زوجته منزعجة من الأمور التي وقعت بسبب أحداث فيلم مش أنا.
وقال خلال المنشور عبر حسابه على موقع إنستغرام: إلى زوجتي الغالية حلا، قادر أفهم انزعاجك نتيجة مرور وقت كبير على تصوير الفيلم ده بسبب كورونا.
وإن حياتك تغيرت زي ما أنت قولتي في البوست بكل احترام.
وأضاف: قادر كمان أفهم انزعاجك من التركيز على المشاهد دي وتجميعها رغم الوعد الشفهي بتجنب ذلك من صناع العمل.
الكلام ماكانش عن إلغاء الكليب ولكن إن التركيز ميكونش على مشاهد معينة زي دلوقتي.
خصوصًا مع نزول الكليب في توقيت له قدسية كبيرة بالنسبة لنا، ولو كنا نعرف أن الوعد مش كافي.
علشان يحل المشكلة دي كنا مشينا في حلول تانية.
وتابع: قادر أفهم قصدك لما أتكلمتي عن نوع معين من المشاهد يعني نوع معين من الفن ومش تعميم على الفن كله.
وعاوز أفكرك يا حبيبتي إن رحلتنا هي رحلة بحث عن الحق والخير والجمال.. رحلة اعتزاز بالثقافة والهوية.. نموذج قوي لرفض التطرف على الناحيتين.
الناحية المكسوفة من هويتها وبتقلد الغرب من غير حكمة أو علم أو عزة اللي أنا سميته ”الانتحار الثقافي“.
في كلمتي في الحوار الوطني سنة 2011.
هاجمت الفنانة المعتزلة حلا شيحة أحد الكليبات المنتشرة والذي يجمعها بالفنان تامر حسني من خلال لقطات لها معه من فيلم مش أنا.
حيث احتوى الكليب على مشاهد رومانسية بينهما وهو الكليب الذي تم بثه في الأيام المباركة قبل عيد الأضحى بحسب وصفها له.
وقالت حلا شيحة خلال حسابها الرسمي على موقع انستغرام: أنا اتفاجئت جدا بنزول كليب.
يجمع فيه مشاهد متفرقة من الفيلم وخصوصا بعد آخر بوست نزلته ووضحت فيه انا ايه..
واتفاجئت اكتر خصوصا بعد وعد تامر حسني ليا وتأكيده انه حیحترم رغبتي.
وبعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي.
وأضافت: إحنا يمكن نجحنا بمقايس الدنيا بس صدقوني بمقایس ربنا احنا لم ولن ننجح انا عارفة ومتاكدة ان زملائي جواهم خير.
بس للاسف فتنة الشهرة والنجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا.
وتابعت:أنا عيطت لاني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل وبننسی.
وأردفت: انا مش حتكسف من حد انا تبت من المشاهد دي وهي لا تصح.
وانا غلطت وبصلح واهم حاجة ان ربنا يرضى عني.
ماذا قالت حلا شيحة بعد زواجها رسميا من معز مسعود
لان في الاخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص.
احنا اغلبنا ناسينها إلا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن.
وذهبت بكلماتها إلى: احنا كلنا عندنا امتحان في الدنيا دي.
وحابة افكرك بالفيديو ده یا تامر اللي قولت فيه انا مش بتمني أموت وأنا مطرب انا دايما خايف کده..
كلام أكيد قولته في لحظة صدق جواك وجوانا كلنا من شوفه تاني.
يمكن يفكرك أن جواك اكيد في صراع وانا وكلنا كلنا بنغلط بس المهم في الاخر نتدارك الغلط ونصلح.
علاوة على ذلك اختتمت كلامها: إلا من تاب وامن عمل عملا صلحا أوللېك يبدل الله سيئاتهم حسن وكان الله غفورا رحيما..
الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد.