نجوم الوسط الفني يحتفلون بإيقاف محمد سامي
سادت حالة من الفرحة والتشفي بشكل معين داخل الوسط الفني المصري بعد قرار المجموعة المتحدة للخدمات الإعلامية، بايقاف التعاون مع المخرج محمد سامي.
وذلك بسبب الأخطاء الكثيرة التي وقع فيها مسلسل نسل الأغراب الذي قدمه شهر رمضان وهي الأخطاء التي تكتمت عليها الشركة لحين الانتهاء عرض المسلسل.
الفنانة مها أحمد كتبت على حسابها على الفيسبوك تعقيبا على القرار قائلة: عوضي على الله دى الجمله اللى دايما بقولها لما اتصدم فاشخاص.
وأضافت: الحكايه ياساده نجمين عملوا مسلسل واتنجمت عليهم بنوته لسه الف باء تمثيل واديتهم على قفاهم وركبت عليهم الى ان اصبحت بطلة المسلسل وبطلة الدعايه للمسلسل.
اقرأ أيضا: المتحدة توقف التعامل مع المخرج محمد سامي.. والأخير يرد
وأشارت: هما راضيين رغم ان طول عمرهم مبيعملوش كده مع اى زميله لهم اقربها انا. النجم الاولانى بينى وبينه عيش وملح وزماله رشحت فمسلسل بطولته.
واستكملت: كان بيقنعنى بدور ولما وافقت بعتولى دور تانى معرفوش دور متعملوش واحده مبتداءه المفروض انه عارف قيمتى الفنيه وعارف انى اضافه له اتهرب منى.
وأردفت: التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه.
وختمت حديثها بعبارة: عوضى عليك يارب.
أما المخرج مجدى الهواري فكتب على حسابه الشخصي: عارفين المثل اللي بيقول ؛ لا يصح الا الصحيح ! ولا ايه ؟.
وردت عليه المذيعة ريهام سعيد في التعليقات قائلة: بس مش انت الي تكتب البوست ده، لانه في الاخر زميل.
الزملا يقفوا جنب بعض مش يشمتوا في بعض.
وكان رد الهواري عليها أنه لديه مطلق الحرية في التعبير عن رأيه، وطالب ريهام سعيد بعدم ركوب التريند.
إلا أن الهواري يبدو أنه عاد وقام بمسح الردود، وكتب في منشور آخر: في ناس ماشية ترازي في خلق الله ! وترمي بلاهها علي الناس !.
وبلغة الشارع بتعور نفسها علي الناس! والناس في حالها والله .. طب عايزين ايه مننا ياناس ! وبصرف النظر عن السبب ورمي البلا !
ورغم انه مهروس ومعروف وقديم وان المطلوب منه اللقطة وبس .اعتقد ان من الذكاء والدهاء الحداقة انهم يخدوا اللقطة بعيد ، انا لو مكانهم افكر الاول..
علاوة على ذلك قال: قبل اقتحام حسابات الناس اللي في حالها : واشوف طريقة جديدة في افتعال التريند.
وجذب حزب الاضواء ليا ! بالطريقة المناسبة . يعني ابقي creative كده شوية.
وخصوصاً مع الناس القديمة اللي زي حالتنا وفي الحالة ديه افكر كويس او اعد حتي لحد عشرة قبل التسرع ، واراجع صاحب الاكاونت.
علاوة على ذلك اشوف صورتهم واذاكر تاريخهم كويس قبل الهبد معاهم و اقرب منهم او من متابعينهم علشان اخر المعركة ايه هل خسرانه ولا مربوحة ومكشوفة !! .
ولا هعرف أركب التريند علي حسابهم وفي حسابهم ومع اصدقائهم ومتابعينهم اللي اكيد شبهم !! وفي الحالة ديه اقرر !! الذكاء بيقول #الف_وارجع_تاني لو مش قدهم.