تفاصيل حفل تامر حسني ضمن حفلات صيف جدة

أعلنت الهيئة العامة للترفيه، أمس الإثنين، عن إقامة حفل للفنان المصري تامر حسني، يوم الجمعة الموافق 13 أغسطس الجاري.

وكشفت الهيئة أن ذلك الحفل ضمن حفلات صيف جدة، حيث سيتم طرح تذاكر الحفل اليوم الثلاثاء في الساعة الـ7 مساء بتوقيت السعودية.

وسيقام حفل كبير للفنان تامر حسني في مدينة جدة، حيث أقامت الهيئة على مدار الأيام الماضية، بالكثير من الحفلات الغنائية لنجوم الغناء في الوطن العربي.

بالإضافة إلى ذلك تكون هذه الحفلات وفق الإجراءات الصحية، حيث تعد هذه الحفلة هي الثانية لتامر حسني في المملكة في الفترة الأخيرة.

تامر حسني
تامر حسني

وكان الفنان تامر حسني انتقد الفنانة المعتزلة حلا شيحة التي هاجمته عبر حسابها على انستغرام.

وذلك بسبب ما اسمته مشاهد رومانسية تم إذاعتها خلال فيلم مش أنا، وهو آخر الأعمال الفنية لزوجة الداعية معز مسعود. 

وكتب تامر: للتوضيح بما إنك يا حلا كتبتي بوست و أشركتي الجمهور الكريم معانا.

بدال ما كنتي تكلميني شخصياً و نتناقش بيني وبينك فأنا مضطر  أرد هنا برضو.

أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي  أوعد وأخلف.

 الحقيقه اني إحترمت  كلامي معاكي ووعدتك أشيل مشاهد تانية طلبتيها و شيلتها بالفعل وشكرتيني عليها.

علاوة على ذلك قال تامر لحلا شيحة: ولو حابة تفتكري المشاهد اللي اتشالت بعد اذنك روحي شوفيها في المونتاچ.

عند الأستاذ عمرو عاكف او كلميه يبعتهالك كلها موجودة.

وبعدين الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس !!.

وأضاف: إنما الكليب يتشاف جوه السينمات عادي ؟؟؟؟ منطق غريب فعلاً يا حلا .

و بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه.

هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك ؟!!!!!!.

وأردف: للتوضيح للجمهور الكريم أنا و المخرجه الأستاذه ساره وفيق بعتنالك.

و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها.

ماكنتيش بتردي علينا و تليفوناتك كلها كانت بتقفل في وشنا.

إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا.

و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري.

 عشان آفيش الفيلم أصلًا و مخليتيناش نعرف نعمل آفيش مجمع !!! و بقيتي تقفلي تليفوناتك و تكنسلي علينا كلنا.

 وبعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول.

كنتي عايزه المنتج يشيل كل مشاهدك اللي صورتيها من الكليب و يطلعني بغني.

وبقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!!.

أنا زعلان منك جداً يا حلا على مفردات البوست بتاعك الغير موفقه ومستحيل هرد بطريقتك اللي فيها تجريح و اتهامات باطله ليا.

إحتراماً لحجات كتير يمكن فايتاكي بس مش هتفوتني وعلى فكره انا واثق انك عارفه اني مستاهلش منك كدا.

وهكتفي بالتوضيح دا و ربنا يهدي الجميع و يكتبلك كل الخير اللهم آمين.

قد يعجبك ايضا